Krama Inggi;

Tembung Krama Inggil wonten ing basa Jawi menika wonten ingkang nggadhahi teges langkung saking setunggal. Tembung-tembung menika kados ing ngandhap menika.

3. Sugeng (Krama Inggil) nggadhahi teges inggih menika slamet (ngoko), urip (ngoko), kaliyan lemu (ngoko).
Ingkang ateges slamet, tuladhanipun:

• Basa ngoko : 1. Anak karo bojomu apa padha slamet?
  : 2. Lungamu menyang Jakarta wingi rak ya padha slamet ta?
  
• Basa krama alus : 1. Putra kaliyan ingkang-garwa menapa sami sugeng?
  : 2. Tindakipun Panjenengan dhateng Jakarta kala wingi rak inggih sami sugeng ta?
  

Ingkang ateges urip, tuladhanipun:

• Basa ngoko : Embah lanang nalika isih urip, seneng rokok kretek.
  
• Basa krama alus : Eyang kakung nalika taksih sugeng, remen rokok kretek.
  

Ingkang ateges lemu, tuladhanipun:

• Basa ngoko : Saiki embahe isih urip, malah awake lemu banget.
  
• Basa karma alus : Samenika ingkang taksih sugeng, malah saliranipun sugeng sanget.
  

4. Dalem (Krama Inggil) nggadhahi teges inggih menika omah (ngoko), sebatan Gusti (ngoko, panambang e/mu), kaliyan aku (ngoko, kangge basa pawicantenan, lan ater-ater dak, ku).
Ingkang ateges omah, tuladhanipun:

• Basa ngoko : Pak Hasan duwe omah anyar.
  
• Basa krama alus : Pak Hasan kagungan dalem enggal.
  

Ingkang ateges sebatan Gusti, tuladhanipun:

• Basa ngoko : 1. Amarga sih pitulungane Gusti Kang Maha Asih anakku bisa slamet.
  : 2. Dhuh Gusti, aku njaluk kawelasan-Mu.
  
• Basa krama alus : 1. Amargi sih pitulungan Dalem Gusti Ingkang Maha Asih anak kula saged wilujeng.
  : 2. Dhuh Gusti, kula nyuwun kawelasan Dalem.
  

Ingkang ateges aku, (kalebet dak, ku), tuladhanipun:

• Basa ngoko : 1. Aku arep melu menyang Sala, oleh apa ora Bu?
  : 2. Pak Bambang dakwenehane foto sing apik-apik.
  : 3. Panjalukku, prayogane kowe mulih wae!
  
• Basa krama alus : 1. Dalem badhe ndherek dhateng Sala, kepareng menapa boten Bu?
  : 2. Pak Bambang dalem caosanipun foto ingkang sae-sae.
  : 3. Panyuwun dalem, prayoginipun Panjenengan kondur kemawon!